La Pro Engiadina Bassa ha gì si'ultima sesida

Da nov dat i in'organisaziun regiunala Engiadina Bassa/Val Müstair. A la testa da quest'organisaziun èn ils 5 presidents da las vischnancas da Samignun, Valsot, Scuol, Zernez e Val Müstair. Enfin uss vegniva la Pro Engiadina Bassa manada dad in president, ina suprastanza ed in cussegl regiunal.

Da vart dretga vesan ins ina carta da geografia cun la regiun Engiadina Bassa, da vart sanestra discurra il vegl president Guido Paolini

Legenda da maletgs: Ultima sesida da la Pro Engiadina Bassa RTR, R.Mayer

La davosa sesida è er gist stada ina festa da finiziun. Ina gronda part da las persunas ch'èn stadas activas insacura en l'organisaziun èn stadas preschentas. Ellas han pudì dar in'egliada sin ina documentaziun da l'istorgia da 45 onns Pro Engiadina Bassa, ch'è vegnida fatga a posta per questa festa da finiziun.