Siglir tar il cuntegn
Inhalt

Engiadina La Plaiv vul collavurar cun il Lyceum Alpinum era senza Zernez

La Plaiv vul collavurar vinavant per ses stgalim superiur cun il Lyceum Alpinum.

Lyceum alpinum Zuoz.
Legenda: Il Lyceum alpinum Zuoz La Plaiv vul collavurar vinavant cun il Lyceum alpinum Zuoz per ses stgalim superiur. RTR

Las vischnancas da La Plaiv, La Punt, Madulain, Zuoz e S-chanf vulan collavurar vinavant cun il Lyceum alpinum Zuoz per il stgalim superiur. Quai era suenter il na da Zernez a l'idea da laschar gestiunar il Lyceum alpinum Zuoz il stgalim superiur per las vischnancas da Zernez e da La Plaiv. Quai han confermà la manadra dal stgalim superiur da La Plaiv Barbara Camichel ed il manader da finanzas da Lyceum Roman Grossrieder envers Radiotelevisiun Svizra Rumantscha.

Il stgalim superiur da La Plaiv ha numnadamain problems da localitads. Perquai na po la scola betg lavurar vinavant en sia situaziun actuala.