Siglir tar il cuntegn
cuntegn

Engiadina La gasettina «Aviöl» cumplenescha 100 onns

La gasettina «Aviöl» sgola dapi 100 onns en ils mauns dal uffants. Mo durant la Segunda Guerra mundiala dal 1944/45 n'è l'«Aviöl» betg vegnì squitschà.

Cumparegliaziun dal maletgs

Stuschar reglader a sanester Stuschar reglader a dretg
Legenda: Guardar il video L'archivar Armon Parolini chanta l'emprima chanzun da l'aviöl. Durada 00:41 minutas.
Or da RTR dals 09.12.2016.

Tgi na sa regurda betg da la gasettina che vegniva spartida en las scolas primaras en Engiadina - l'«Aviöl». Ina gasettina cun sgnoccas, quiz, istorginas, maletgs per cumplettar, occurrenzas e bler auter pli. Ella ha survivì pitschnas e grondas crisas.

Il layout è era il cuntegn n’han betg midà ferm sur tut quests decennis. Ed era la finamira è restada la medema: L'«Aviöl» duai promover il plaschair ed il daletg per la lingua rumantscha.

Extratg da la prima ediziun dal 1916

(pled per pled)

La gazetta porta al bap las prümas novitats. Ella ais per el ün bun ami, chi sà da’l muossar da tuottas sorts e l’ais üna buna curatella (passatemp). E pro vus infants vain la nouva gazettina romantscha. Ell’as nomna l'Aviöl

Sulettamain durant ils onns da la guerra dal 1944/45 n’è la gasettina betg cumparida.

Da 60 raps sin 15 francs

Ils custs per l'emprim abunament, vul dir per retschaiver sis aviöls ad onn, era tar 60 raps - 100 onns pli tard en ils custs creschids sin 15 francs.

Interess è anc oz grond

Quai mussa la gronda participaziun dals uffants tar occurrenzas publitgadas en il «Aviöl». Actualmain vegnan squitschads radund 1'300 exemplars e distribuids en tut l’Engiadina e la Val Müstair.

Legenda: Guardar il video 100 onns Aviöl - In’istorgia da success. Durada 03:05 minutas.
Or da RTR dals 09.12.2016.