Siglir tar il cuntegn
cuntegn

Engiadina «La Diagonela» stritgada per 2017 – causa naiv nagina cursa

Pervi da naiv sin il pass da l'Alvra è vegnida ditga giu l'ediziun da stad da la cursa «La Diagonela». Il «Summer race» na vegn betg pli fatg il 2017.

I naiva, la via è cuvrida cun naiv.
Legenda: Il pass da l'Alvra la sonda a bun'ura. mad

Causa da la naiv saj'il memia malsegir da far la cursa sin il pass da l'Alvra. Sco ch'ils organisaturs scrivan vegnia l'ediziun da stà, il Summer race da la Diagonela, stritgada dil tuttafatg per il 2017. La sonda a bun'ura èn vegnidas infurmadas las participantas ed ils participants dals organisaturs.

Maletg da l'ultima cursa.
Legenda: Il 2016 aveva gudagnà il passlunghist Dario Cologna (qua cun il numer 1) la cursa. mad

La partenza da la cursa per skis da rollas en tecnica classica era prevesida la sonda suentermezdi las 15:30. Ella avess manà sur 14 kilometers e 637 meters d'autezza da Zuoz via La Punt sin il pass da l'Alvra. L'onn passà avevan sa participà radund 80 atletas ed atlets.

La cursa da stà è la sora pitschna da la cursa da passlung l'enviern. Per ils passlunghists maina «la Diagonela» l'enviern sin in traject da 65 kilometers da Zuoz sur Schlarigna e San Murezzan enavos a Zuoz.

RR novitads 10:00