Siglir tar il cuntegn

Header

cuntegn

Engiadina «La Diagonela» finamira da sviluppar vinavant il product

La cursa da passlung a stil classic ha gia gì lieu 2 giadas l’enviern. Questa stad fan ils organisaturs da La Diagonela ussa per l’emprima giada ina cursa sin skis cun rodas. Da Zuoz a La Punt Chamues-ch si per il pass da l’Alvra.

250 persunas avessan pudì s'annunziar, mo 55 han fatg quai enfin uss. Quai è dentant en urden per ils organisaturs. Els vulan entschaiver pitschen e simpel ed uschia ramassar experientschas. La finamira saja dentant cleramain da sviluppar vinavant il product «La Diagonela», ha ditg Ramun Ratti dal comité d’organisaziun.

audio
Saira: «La Diagonela» finamira da sviluppar vinavant il product
ord Actualitad dals 04.09.2015.
laschar ir. Durada: 3 minutas 33 Secundas.

Collavuraziun cun il maraton ?

Ina dumonda ch’ins po far è sche la gruppa d’organisaziun enturn la cursa populara La Diagonela vul uss surpigliar ina rolla en l’organisaziun dal maraton da skis engiadinais. Quai suenter che la suprastanza da quest ha decidì da sa retrair suenter l’ediziun dal 2016. Per Ramun Ratti na è quai dentant absolutamain nagina opziun e discussiun. Els ston en emprima lingia guardar per lur product, ina collavuraziun pli stretga fiss dentant giavischada. Il comité d’organisaziun da La Diagonela è avert per discussiuns, uschia Ratti.

Artitgels legids il pli savens