Siglir tar il cuntegn

Header

cuntegn

Engiadina La decisiun - gidar u restar a chasa?

Ils 25 d'avrigl 2016 èsi precis in onn che terratrembels han destruì grondas parts dal Nepal. 8'800 persunas èn mortas, circa 22'300 èn vegnidas blessadas. Il di dal terratrembel è Maurizio Folini stà en viadi vers il Nepal - el ha decis dad ir a gidar.

Ina catastrofa per tut ils umans che vivan en il Nepal.

audio
Mezdi: In onn suenter il terratrembel: Maurizio Folini sa regorda
ord RTR Audio dals 25.04.2016.
laschar ir. Durada: 3 minutas 51 Secundas.

Agid or da l'aria

Maurizio Folini scolescha dapi tschintg onns pilots indigens en il Nepal. El è là per dar vinavant sia grond’experientscha sco pilot – il pli impurtant saja da scolar ils pilots a questa maniera, ch’els possian era transportar material cun la suga.

Avant in onn è questa scolaziun dentant stada secundara. Folini è sa decidì dad ir en il Nepal a gidar. Far sgols da salvament e transportar mangiativas en ils vitgs ch'eran isolads cumplettamain pervi dal terratrembel. Il chaos era pli grond che spetgà. Quasi tut las chasas, ils uffizis, las scolas eran destruids.

La lavur era ina sfida per el

Folini lavura per ina firma en il Nepal – la lavur suenter il terratrembel era per el ina sfida. Il pajais dal Nepal è fitg vast ed il pli aut da tut il mund. 40% da la populaziun viva sur 3'000 meters sur mar. Il pli sgolan adina dus helicopters ensemen, quai or da motivs da segirtad. Cherosin na saja betg uschè simpel da survegnir. Ina gronda sfida saja era l'autezza. In salvament ha el gia fatg sin 6'800 meters sur mar.

In mat nepalais.
Legenda: In mat nepalais. mad

Fatgs dal Nepal

  • surfatscha: 147'000 km2
  • il pajais il pli aut da tut il mund, 40% da la populaziun viva sur 3'000 meters sur mar
  • 28,1 milliuns abitants
  • chapitala: Kathmandu
  • lingua uffiziala: Nepali

Plirs terratrembels en il Nepal

Data
Scala da Richter
25.04.20157.8
25.04.20156.7
12.05.2015
7.2

Artitgels legids il pli savens