Siglir tar il cuntegn
cuntegn

Engiadina La cursa dal «Stammer» – la cursa emblidada

Dal 1937 è quella cursa vegnida organisada per l'emprima giada, lura emblidada e quest onn danovamain organisada – la cursa dal Stammer.

Vairamain sa tracti dal Piz Tschütta, ma sin tudestg ha quest piz num «Stammerspitze» ed uschia ha la cursa survegnì il num – la cursa dal Stammer.

Quest onn è la cursa vegnida organisada cun la finamira da s’inscuntrar ed organisar in event cuminaivlamain. Era clubs da skis vischins sa participavan a questa cursa tradiziunala. Ma dals onns 1960 era l’interess memia pitschen.

Renascher la cursa

Ussa vul il club da skis Vnà laschar renascher questa cursa. Il start sa chattia sur il guaud sur l’alp Pradgiant a Vnà. Tuts van ensemen al start, lura prenda mintga curridura e mintga curridur si'atgna pista giu da munts e vals. Suenter trais kilometers lura la destinaziun – Zuort.

Tgi che va plan va san e tgi che va svelt va a rumper chommas.
Autur: Christoffel DenothPresident dal club skiunz Vnà

Betg il temp – la cumpagnia stat en il center

Quai che era gia avant decennis impurtant, duess esser era uss impurtant. Star ensemen, giudair la cumpagnia en il «Hof Zuort».

RR actualitad 17:00