Siglir tar il cuntegn

Header

cuntegn

Engiadina La cunvegna per la scola da musica Engiadin’Ota è sut tetg

La cunvegna da prestaziun elavurada da la conferenza da vischnancas è vegnida deliberada. Ussa han las vischnancas sez anc da consentir quella.

La nova lescha da cultura che vegn en vigur probablamain ils 1 schaner 2018 oblighescha a las vischnancas da manar sasez ina scola da musica o da surdar quella incumbensa en furma d’ina cunvegna da prestaziun. Culla cunvegna da prestaziun culla scola da musica Engiadin’Ota vul ins segirar l’existenza era a partir dals 1 schaner 2018. Enfin a quel di è anc il circul d’Engiadin’Ota responsabel. Quel vegn però schlià per ils 31 da december 2017.

La cunvegna da prestaziun tranter las vischnancas d’Engiadin’Ota oblighescha a las vischnancas d’as participar cun 50% dals custs imputabels. La cunvegna dura 4 onns e sa prolungheschia senza desditga per ulteriurs 4 onns.

Artitgels legids il pli savens