Interessents dastgan cumprar ina suita da vacanzas e medemamain profitar da tut il luxus d'in hotel da 5 stailas. Mangiar e baiver en il restorant, ina zona da wellness, in local da cuminanza e perfin in iert avant porta.
Possessur ed acziunari
Cun cumprar ina da las 13 suitas da tranter 50 e 100 meters quadrats - che custan tranter in mez ed in milliun francs - èn ins il medem temp acziunari dal hotel Paradies a Ftan.
Il temp che la suita resta vida, vul dir il temp ch'il possessur n'è betg a Ftan en vacanzas, vegn quella reaffittada. Uschia profitescha il possessur da las entradas tras quella fittanza cun in rendita da radund 3,5%.
Club Privé «Il Paradis»
Il possessur d'ina suita è medemamain era commember dal club privat «Il Paradis». La commembranza custa radund 10'000 francs. Sco commember pon ins profitar da tut il luxus dal hotel - la consumaziun, il wellness e tut l'infrastructura dal hotel «all inclusive».
RR novitads 20:00