Siglir tar il cuntegn

Engiadina La cassa sa svida uss plaun plaunet a Silvaplauna

La vischnanca da Silvaplauna ha gì fin ussa in fond per sustegnair l’hotellaria indigena, emprimas abitaziuns ed il sectur da fabrica. Cun introducir in'imposta sin segundas abitaziuns, avess ins emplenì quest fond per projects futurs. Cun il na a quelst'imposta sa svida uss dentant il fond.

la vischnanca Silvaplauna
Legenda: Silvaplauna ha 1030 abitants Cun 105 cunter 45 è vegnida sbittada l'entschatta da mars 2016 l'idea da l'imposta sin 2. abitaziuns.... picswiss.ch

L’imposta sin segundas abitaziuns fiss stada ina premiera svizra, ma – la radunanza communala da Silvaplauna ha refusà l’entschatta da mars 2016 l’introducziun da l'imposta. In’imposta ch'avess procurà per circa in milliun francs dapli en la cassa communala per onn. Cun il fond fiss i stà previs, da sustegnair era en avegnir projects da l’hotellaria, abitaziuns per indigens u era il sectur da construcziun en il vitg da 1030 abitants.

La cassa na vegn betg pli emplenida

Perquai che la populaziun ha ditg na a l’imposta cun 105 cunter 45 vuschs, na culan a partir d'immediat nagins raps pli en il fond. El daventa adina pli pitschen.

In project da Silvaplauna profita anc dal fond

A la radunanza communala dals 28 d'avrigl 2016 ha la populaziun decis che la zona da «La Conrad’s Mountains Lodge» possia daventar zona d'hotels. Tge che pussibilitescha ch’ils responsabels possian renovar ed engrondir il manaschi cun in sustegn finanzial da la vischnanca. La vischnanca ha deliberà in credit dad 1,5 milliuns francs a fonds perdu. «La Conrad's Mountains Lodge» pudess esser in dals ultims hotels che profita dal fond che promova projects indigens.

Co vinavant - i dovra ideas innovativas per projects indigens

La cassa dal fond na vegn betg pli emplenida - nus avain discurrì cun la presidenta communala, Claudia Troncana, davart il sustegn en l'avegnir.