Siglir tar il cuntegn

Engiadina L'ultim film - il Ciné Scala a San Murezzan serra

In’era da kino va a fin suenter 85 onns. Il Ciné Scala a San Murezzan, in dals pli vegls kinos en la Svizra, serra definitivamain sias portas.

Il Ciné Scala sto far plazza per ina chasa nova. La chasa existenta sto vegnir rumida e preparada per la sbuvada che è planisada per la primavaira proxima.

Gianni Bibbia il maina gestiun dal Cinè Scala ha infurmà ch’ils ultims discurs tranter la possessura dal stabiliment, la Mobimo Management SA, ed el sez sco gestiunari dal kino n'hajan betg purtà fritgs per pudair restar anc in per mais en il stabiliment.

Co vinavant?

Il manader dal kino ha differentas ideas per cuntinuar cun il kino en auters lieus ed in autras furmas. Era davart la vischnanca da San Murezzan ins è vidlonder a tschertgar soluziuns, ma quai dovra temp.

Ultim film

L’ultima represchentaziun vegn ad esser quest glindesdi cun il film «Cinema Paradiso» da Giuseppe Tornatore.

RR actualitads 17:00