Siglir tar il cuntegn

Engiadina L'ultim di da la Galleria, da l’ultima disco en Engiadina Bassa

Sche Jon Corradin serra questa notg la disco Gallaria lu fa el quai per adina: L'interprendider serra la disco da tradiziun e va suenter avair manà ella 19 onns en pensiun. Co ch'i va vinavant è intschert.

Legende: Video L'ultima discoteca en Engiadina Bassa serra sias portas abspielen. Laufzeit 02:38 Minuten.
Or da Actualitad video dals 10.04.2017.

Suenter la party finala da questa sonda saira èsi finì cun ballar, tadlar musica e baiver in drink ensemen cun giuvnas e giuvens da tut l’Engiadina Bassa.

Suenter decenis serra la disco tradiziunala amez Scuol las portas. La giuventetgna sto bandunar la regiun en direcziun Engiadin’Ota ubain sur il cunfin or en il Tirol dal Sid u quel dal Nord.

Ina carta da la regiun cun las discotecas a Samignun, San Murezzan e sur cunfin.
Legenda: Per ir a ballar davent da Scuol esi da viagiar. RTR

Speranza per ina successiun

Ina pitschna speranza datti. Tar Jon Corradin s’ha annunzià in interessent per cumprar la disco. Segir n’è dantant anc nagut.

La vischnanca è dumandada

Era la vischnanca politica da Scuol vesa il problem. In center per la giuventetgna è impurtant, betg mo per la giuventetgna indigena, era per la regiun turistica. Per Christian Fanzun, il president communal, èsi impurtant che tut las vischnancas da l’Engiadina Bassa sa participeschan a las discussiuns enturn ina nova idea per ina disco.

RR actualitad 17:00