Siglir tar il cuntegn
Inhalt

Engiadina L'Ova Spin è puspè vid la rait

Las lavurs da reparaziun da l'ovra electrica èn terminadas. La fin schaner aveva ina lavina destruì ina pitga d'auta tensiun sur Zernez.

Collavuraturs èn vidlonder a montar las lingias electricas
Legenda: Collavuraturs èn vidlonder a montar las lingias electricas MAD

Perquai n’era l'ovra d'electricitad betg pli colliada cun la rait d’auta tensiun. Ella ha stuì interrumper il manaschi. Las lavurs per ina schliaziun provisorica èn terminadas e l'ovra d'electricitad ha la fin d'emna puspè pudì cuntinuar cun il manaschi.

25 tonnas greva e 57 meters auta è la pitga provisorica giusut la val da Barcli, sin il Pass dal Fuorn. La montascha da la pitga provisorica ha custà radund 300’000 francs. Ils donns ch'i ha dà pervia da l'interrupziun dal manaschi durant in mais muntan a radund in milliun francs. L'ovra electrica tschertga uss ina soluziun definitiva e segira encunter lavinas.

RR novitads 11:00