Siglir tar il cuntegn

Engiadina L'istorgia, la fauna e la vita da Lavin e conturns

La «Protecziun da la patria Engiadina e vals dal sid» han envidà la populaziun ad in’excursiun cun il tema agricultura e natira.

Temas sco l’istorgia, las consequenzas e las influenzas da l’agricultura, la botanica ed era la cultivaziun intensiva ed extensiva èn stads ils temas da l'excursiun davent da Lavin fin tar las ruinas da Gonda. Radund 50 participantas e participants èn stads da la partida.

Il vitg Gonda

Punct culminant da quest’excursiun è segir stada l’istorgia dal vitg «Gonda», in vitg che n’exista schon pli che 400 onns betg pli. Dal 12avel tschientaner dateschan las emprimas indicaziuns. Oravant tut purs vivevan en quest vitg cun radund 30 chasas, uschia l’istorgia. Sulettamain otg chasas e las miraglias da la baselgia èn anc visiblas. Enturn il 1620 è quest vitg vegnì abandunà causa ina guerra.

Suenter radund duas uras èn ils participants puspè returnads a Lavin cun in satg plain savair sur da l’agricultura, la botanica e temps gia ditg passads.

Legende: Video Il stgavament da Gonda tranter Lavin e Guarda l'onn 1990 abspielen. Laufzeit 03:30 Minuten.
Or da RTR dals 15.09.1990.

RR actualitad 08:00