Siglir tar il cuntegn
Inhalt

Engiadina L’Engiadina Bassa promova l'«aua minerala»

L’aua minerala saja in tema unic en l'Engiadina, uschia l’organisaziun turistica Scuol, Samignun Val Müstair. Cun la suttascripziun d’ina «charta» da tut ils partenaris less ins promover il tema turisticamain.

Ils promoturs dal tema aua minerala a Scuol.
Legenda: Ils promoturs dal tema aua minerala. RTR, Georg Luzzi

La regiun da vacanzas Engiadina Scuol vul promover il tema «aua minerala». L’organisaziun turistica ha perquai lantschà a Scuol in project en quai connex. La vischnanca politica, la vischnanca burgaisa, la societad Pro Büvetta Tarasp e la fundaziun Pro aua minerala han suttascrit ina decleraziun d’intenziun che oblighescha ina stretga collavuraziun. 420’000 francs stattan a disposiziun, la mesadad vegn dal chantun Grischun.

Il tema aua minerala differenzieschia nus da las autras destinaziuns
Autur: Martina StadlerDirectura TESSVM

Aua minerala è ina part da l'istorgia

Las funtaunas d’aua mineralas èn gia a partir da l'onn 1369 enconuschentas en l'Engiadina Bassa. Dapi radund 150 onns vegn quai tema era nizzegià turisticamain.
Oz n’è l’aua minerala betg pli in tema sco aua per curas, ma dess daventar in tema central sco purschida turistica.

RR novitads 12:00