Siglir tar il cuntegn

Header

cuntegn

Kino openair Parc Naziunal 20 onns kino sut tschiel avert a Zernez

En occasiun dal giubileum han ils organisaturs mussà l'emprim film preschentà avant 20 onns – «Cinema Paradiso». Il film taliandescriva l’amicizia da Toto ed Alfredo. Toto è in mat ch'è fascinà dal film, ed Alfredo il tecnicher dal kino. Quest film è stà l'emprim ch'ils organisaturs dal Kino openair han mussà avant 20 onns en la curt dal chastè e sez dal Parc Naziunal Svizzer, il chastè von Planta-Wildenberg a Zernez.

audio
20 onns Kino openair dal Parc Naziunal – temp per far festa
ord Sport ed actualitad dals 24.07.2022.
laschar ir. Durada: 3 minutas 36 Secundas.

Prominents che han preschentà lur films

Ils acturs Mathias Gnädinger e Beat Schlatter han visità il kino sco giasts spezials. Ma er l'enconuschent medi ed alpinist da las muntognas la pli autas dal mund Oswald Ölz è stà a Zernez, sco er l'alpinist extrem Reinhold Messner han fatg visita. Durant quests onns hai dentant era dà da vesair films indigens sco «Marmorera» u «Suot tschel blau».

Duas novas chanzuns per il giubileum

Per in'atmosfera tuttafatg speziala a chaschun dal giubileum han procurà il musicist Curdin Nicolay ed ils Rebels cun Flurin Bezzola. Els han mintgamai scrit in toc da musica en occasiun dal 20avel anniversari dal Kino openair dal Parc Naziunal, e preschantà questas duas chanzuns durant la saira.

RTR actualitad 17:00;

Artitgels legids il pli savens