Engiadina - Jon Erni banduna Microsoft

1 / 6

Legenda: Jon Erni en il Mountain Hub a Scuol MiaEngiadina

2 / 6

Legenda: Jon Erni en il Mountain Hub a Scuol MiaEngiadina

3 / 6

Legenda: En dialog cun la populaziun: Jon Erni, iniziant e fundatur dal project «MiaEngiadina». RTR

4 / 6

Legenda: Ensemen per «MiaEngiadina» En l'institut otalpin a Ftan vegn suttascritta la charta dad iniziants e promoturs dal project (Erni a dr.). RTR

5 / 6

Legenda: Plaschair cun suttascriver il document da fundaziun: Jon Erni tar la preschentaziun da la charta per «MiaEngiadina». RTR

6 / 6

Legenda: Lavurar ensemen er en Engiadina: In spazi da collavuraziun co quai che «Mia Engiadina» s'imagina el. RTR

Jon Erni è stà avant tschintg onns iniziant e fundatur dal project innovativ «MiaEngiadina» – uss sa deditgescha el cumplettamain a ses project.

Ses focus vegn ad esser er vinavant il svilup dal spazi rural cun agid da la digitalisaziun, scriva Jon Erni en sia infurmaziun.

Lavurar en l'Engiadina – esser en contact cun tut il mund

Ina finamira dal project «MiaEngiadina» è da nizzegiar ils avantatgs da la digitalisaziun per pudair viver en l'Engiadina e lavurar tuttina en contact cun e per ils gronds centers internaziunals. Per render il lieu da lavur independent da la geografia è il project vi dad etablir la tecnologia necessaria.

Ir oravant cun bun exempel

audio

Jon Erni banduna Microsoft

02:24 min, ord Novitads dals 06.10.2017.

laschar ir. Durada: 2 minutas 24 Secundas.

Cun la desditga pro la firma Microsoft dastga Jon Erni uss preschentar persunalmain quest model e questa moda da viver. El sa fa independent è s’engascha per il marketing da «MiaEngiadina». Plinavant è el en differents cussegls administrativs e vegnia a collavurar parzialmain er vinavant en differents secturs tar la Microsoft.

Uschia veglia el mantegnair ils impurtants contacts tranter l’Engiadina ed ils gronds centers en Svizra.

RR novitads 12:00