Siglir tar il cuntegn

Engiadina Jenny Kollmar daventa directura da la regiun Malögia

Sco quai che la conferenza dals presidents scriva en ina communicaziun saja Jenny Kollmar la persuna qualifitgada per quest’incumbensa. Kollmar era dapi il 2007 impiegada dal circul e dapi mars da quest onn da la regiun Malögia, nua ch'ella era responsabla per la part administrativa.

logo
Legenda: Logo regiun Malögia mad
Jenny Kollmar
Legenda: Jenny Kollmar, tschernida sco directura da la regiun Malögia mad

Grazia a sia occupaziun tar il circul haja ella l’experientscha necessaria ed in savair vast per la funcziun. Jenny Kollmar, ch'è inschignera diplomada, è vegnida tschernida unanimamain da 9 candidats. 3 dad els eran en la stretga tscherna.

Plinavant ha la conferenza dals presidents decidì ina consultaziun cuminaivla tar il project da l'augment da la segirtad da la via tranter Segl e Malögia.