Siglir tar il cuntegn
Inhalt

Engiadina «Jau fiss pronta»

Suenter 9 onns piglia Ariane Ehrat cumià quels dis da l'Engiadina e da ses uffizi sco directura da la destinaziun Engiadina San Murezzan. Ussa pudess ella daventar la nova presidenta da Grischun Vacanzas.

Il maletg mussa Ariane Ehrat
Legenda: 9 onns è Ariane Ehrat stada CEO dad Engiadina San Murezzan MAD

Grischun Vacanzas elegia proxim mardi ses nov president u sia nova presidenta. I va per in successur da Marcel Friberg.

Ariane Ehrat conferma ch'ella saja vegnida dumandada per l'uffizi sco presidenta da Grischun Vacanzas.

«Jau fiss segir pronta – l'elecziun n'è dentant betg en mes mauns», ha ella ditg sin dumonda da RTR. Dapli n'ha la turisticra da 56 onns betg vulì tradir.

In cumià emoziunal

Ella saja s'identifitgada fermamain cun la destinaziun e ses collavuraturs ils ultims 9 onns, raquinta Ariane Ehrat. Perquai saja il cumià schon fitg emoziunal.

Ariane Ehrat lavura anc enfin ils 5 da matg

sco directura da la destinaziun Engiadina San Murezzan. Ses successur daventa l'austriac Gerhard Walter.

RR actualitad 07:00