Siglir tar il cuntegn
Inhalt

Engiadina Institut Otalpin: lavur intensiva davos las culissas

Per il mument èsi quiet enturn l'avegnir da l'Institut Otalpin a Ftan. Davos las culissas vegn dentant lavurà intensivamain.

Chasa dal Institut Otalpin a Ftan
Legenda: Lavur intensiva davos las culissas pel futur dal Institut Otalpin La scola e la vischnanca lavuran intensivamain vi dal futur da l'Institut Otalpin a Ftan. RTR

Per il mument èsi quiet enturn l'Institut Otalpin a Ftan. Davos las culissas vegn dentant lavurà intensivamain per l'avegnir da la scola media en Engiadina Bassa. La scola ha enfin ussa 66 annunzias da scolaras e scolars. Ussa ston ins organisar las singulas classas. Co che l'onn da scola duai cumenzar, sur da quai vul infurmar l'Institut Otalpin enfin venderdi.

La vischnanca da Scuol lavura entant vid ina proposta per finanziar la cumpra dals stabiliments da l'Institut Otalpin. Detagls davart la cumpra duai dar enfin circa ils 20 d'avust. Quai ha ditg il president communal a Radiotelevisiun Svizra Rumantscha.

Era ils iniziants da Mia Engiadina s'engaschan vinavant: els discuttan cul mäzen e possessur dal hotel Paradies a Ftan, cun Horst Rahe co ch'ins pudess eventualmain etablir in sistem cun scolers che han in stipendi per vegnir a Ftan. Detagls da questa idea vulan ils iniziants lura preschentar sco emprim al nov cussegl d'administraziun.