Il nov acziunari da maioritad da l’Institut Otalpin Ftan, il Dulwich College International veglia metter gronda paisa sin cuntinuitad. Perquai vegnian Jon Peer e Gerhard Pfister a restar en il cussegl administrativ.
Cuntinuitad en cussegl
La radunanza generala dal HIF che ha gì lieu la sonda, ils 20 da da mars 2021 ha ultra da quai confermà a Michael Budliger, Christian Fanzun, Duosch Fadri Felix, Ursula Fraefel e Hans Künzle en il gremi. Sco represchentants dals novs investiders en la scola media en Engiadina Bassa fan part Christian Gürtler e Fraser White en il cussegl administrativ.
Influenza da corona
L’onn scolastic 2019/20 da l’Institut Otalpin a Ftan vegn cudeschà sco onn ch'è vegnì influenzà ferm da la pandemia. Tras l’engaschament da la gruppa enturn il Dulwich College International saja la scola media da gronda speranza da superar tut las sfidas che spetgian ils proxims onns. Surtut il dumber da scolars duai vegnir augmentà successivamain.
