Siglir tar il cuntegn

Engiadina Institut Otalpin Ftan: Dapli scolars cun offensiva da marketing

Cun nov in responsabel da marketing ed ina persuna ch'è responsabla per acquirir scolars novs vul l’Institut Otalpin Ftan guadagnar dapli scolars.

Legende: Video La nova strategia dal IOF: acquisiziun e marketing abspielen. Laufzeit 2:10 Minuten.
Or da Actualitad video dals 06.12.2015.

L'Institut Otalpin Ftan ha preschentà sia nova strategia per salvar la scola. Il cussegl administrativ ha declerà a la radunanza generala ordinaria ch'el vul metter accents tar l'acquisiziun e tar il marketing. Uschia duai surtut la scola media survegnir dapli scolars.

Dublegiar il dumber da scolaras e scolars

Perquai datti nov ina persuna responsabla per il marketing ed ina persuna che è responsabla per l'acquisiziun da scolars. La scola duai era esser pli attractiva per scolars internaziunals. La finamira è dad augmentar il dumber da scolars dad oz 76 sin radund 130 scolaras e scolars.

In ulteriur punct è il campus, ina spierta per terz. Firmas u era societads pon fittar localitads per curs, semninaris u lavuratoris.

Examinar cooperaziuns

En in emprim pass vul l'institut però examinar cooperaziuns, sco per exempel cun la scola media spezialisada a Tavau en il sectur da sport. Sco quai che l'Agentura da novitads rumantscha ANR rapport, èn era cooperaziuns per in atgalim aut regiunal en scleriment.

La conferenza dals presidents da la Regiun Engiadina Bassa/Val Müstair lascha far in studi davart la situaziun da las scolas en la regiun. Tut tenor resultats èsi raschunaivel da fusiunar ils staglims auts adina schliaziun regiunala. Actualmain vegn rimnà dumbers da scolars, infrastructuras e custs.

RTR novitads 20.00

«Stars For HIF»

Per promover anc dapli l'institut Otalpin a Ftan e vegnì fatg ina chanzun da rock. Quai cun ils chantauturs Rezia Ladina, Snook e Roland Vögtli. Producì la chanzun ha il chantadur svizzer «Stämpf».

Direct tar la chanzun «Stars For HIF».