Siglir tar il cuntegn
Inhalt

Engiadina Institut Otalpin Ftan: Betg anc sur la muntogna vi

En il focus da la radunanza generala extraordinaria da l'Institut Otalpin èn stadas las finanzas.

La radunanza en las localitads dal Instiut Otalpin a Ftan, sin pe Jon Peer
Legenda: La radunanza en las localitads dal Instiut Otalpin a Ftan RTR, G. Luzzi

48 acziunaris èn stads preschents a la radunanza generala extraordinaria da l'Institut Otalpin a Ftan. Il tema central eran las finanzas. Per l’onn da scola 2016/17 èn segiradas las finanzas. Però senza novs raps n’èsi betg pussaivel da manar enavant la scola ils proxims onns.

Augment dal chapital d’aczias

Il vicepresident dal cussegl administrativ, Paul Häring, ha preschantà las cifras actualas da l'augment dal chapital d’aczias. Radund 5 milliuns francs ston entrar, 3% derivan dal cussegl administrativ, 6% d’acziunaris pitschens, 40% d’in partenari strategic che n’è betg vegnì numnà ed ulteriurs 40% entran tras in fond d'aczias. Restan ulteriurs 11%, quels èn anc averts. Il cussegl administrativ spereschia tar quels 11% sin la solidaritad da la regiun.

Ils acziunaris a la radunanza generala extraordinaria han consentì tut las mesiras previsas cun gronda maioritad, l’augment da chapital d’aczias surmenziunà, la diminuziun da la valur d’aczias existentas da 125.00 francs sin 25.00 francs e la prolungaziun d’in credit senza fits davart da la vischnanca da Scuol fin l'onn 2021.

RR novitads 06:00