Siglir tar il cuntegn

Header

Navigaziun

cuntegn

Engiadina Institut Otalpin dovra milliuns e scolars

A la 102avla radunanza generala da l'Institut Otalpin èn ils preschents a Ftan vegnids infurmads davart la strategia futura. In dals gronds plazzals restan per la scola media er vinavant las finanzas; i dovra dapli scolars.

Ils 21 da fanadur 2015 aveva l’Institut Otalpin annunzià da serrar sias portas, quai pervi da mancanza da scolars. Be grazia a geniturs e singuls indigens che han fatg squitsch sin la politica n’è quai betg capità.

A la 102avla radunanza generala dals 3 da december 2016 han ins badà grond sustegn per la lavur prestada dal cussegl administrativ ed era da l’administraziun da la scola sut la batgetta da la directura Elisabeth Steger Vogt.

Situaziun finanziala resta la pli gronda sfida

Il cussegl administrativ prevesa da dumandar a la vischnanca da Scuol per ina prolungaziun dal credit da 3 milliuns francs. Ultra da quai vul el diminuir la valur nominala da las aczias da 125 sin 25 francs, ed auzar il chapital d’aczias per ulteriurs 3 milliuns francs.

Actualmain 76 scolaras e scolars al 'Insti'

23 scolars interns e 53 scolars externs, quai èn bunamain 50% memia pauc tenor l'idea da l'Institut Otalpin Ftan. La finamira da la directura Elisabeth Steger Vogt è perquai da schlargiar la spierta per ils scolars indigens sco era per quels d’auters pajais.

RR novitads 06:00