Siglir tar il cuntegn

Header

video
Tendas da chartun per dapli ecologia
Or da Telesguard dals 21.06.2019.
laschar ir. Durada: 2 minutas 46 Secundas.
cuntegn

Innovaziun ecologica Tendas da chartun al Burning Mountain Festival

Ils organisaturs dal festival «Burning Mountain» a Zernez èn be bunder – questa giada betg be pervi da la musica ma surtut er pervi da lur innovaziun ecologica.

Reciclar empè da bittar – tendas da chartun duain gidar

Onn per onn han da vegnir allontanads suenter festivals ed open-airs tschients da tonnas da rument – e tranter quel bleras tendas da plastic. Er ils organisaturs dal «Burning Mountain» han il nas plain da quest rument che resta suenter il festival. Cun tendas da chartun vulan els cumbatter las muntognas da rument.

Quest onn han ils organisaturs empustà 30 tendas da chartun.

Il Burning Mountain Festival ed il Greenfield Festival èn ils unics festivals en Svizra che porschan tendas da chartun.

L'innovaziun da las tendas da chartun

Avrir la box Serrar la box

Las tendas custan var 90 francs, èn impermeablas e grondas avunda per duas persunas.

Il servetsch per ils organisaturs è cumplessiv: Las tendas pon vegnir empustadas oravant, ellas vegnan producidas, messas si, sbuvadas e recicladas da l’interpresa ollandaisa Kartent.

Or da tendas duvradas fa l’interpresa novs products da chartun sco maisas, sutgas e lampas.

RR actualitad 07:00

Artitgels legids il pli savens