Siglir tar il cuntegn
Inhalt

Engiadina Incendi en l'hotel Chesa Surlej a Silvaplauna

A Silvaplauna - Surlej ha i brischà il venderdi suentermezdi en l'hotel Chesa Surlej. Duas persunas sajan vegnidas tractadas en l'ambulanza. Il donn material saja considerabel, annunzia la polizia. Quel munta probabel a plirs 100'000 francs.

Blers pumpiers da Trais Lejs e San Murezzan èn stads en acziun.
Legenda: Blers pumpiers da Trais Lejs e San Murezzan èn stads en acziun. polizia chantunala
Actualmain na po il hotel betg pli vegnir nizzegià. Ils giasts èn vegnids alloschads en in hotel vischinant.
Legenda: Actualmain na po il hotel betg pli vegnir nizzegià. Ils giasts èn vegnids alloschads en in hotel vischinant. polizia chantunala

Il fieu era rut or curt suenter las 14:00 en ina stanza da deposit. En consequenza ha quai dà bler fim. Cunzun il tract d'hotel cun chombras ed abitaziuns è stà pertutgà.

Ils pumpiers hajan stuì salvar ina persuna cun il telescop da salvament. Trais ambulanzas dal servetsch da salvament da l'Engiadin'Ota ed 8 policists èn stads al lieu.

La via dal Corvatsch è stada serrada durant duas uras. La polizia chantunala è vi dal sclerir, pertge ch'i ha brischà.

RR novitads 10:00