Siglir tar il cuntegn

Header

cuntegn

Engiadina Incendi da cultira a Puntraschigna

La dumengia suentermezdi è rut ora in incendi da cultira a Puntraschigna, sco la Polizia chantunala scriva hajan quatter giuvenils tranter 11 e 12 onns giugà cun in battafieu ed han uschia chaschunà quest incendi.

Dumengia a las 17:08 uras ha ina persuna annunzià a la Polizia chantunala ina ferma furmaziun da fim en in parc a Puntraschigna. Ils pumpiers ch'eran en acziun cun 22 persunas han pudì stizzar svelt il fieu. La notg han ils pumpiers mess ina guardia da fieu.

Aut privel da fieu

L'aura miaivla lascha crescher il privel d'incendis. Sco l’Uffizi da guaud e privels da la natira communitgescha, vala il mument in aut privel d’incendis da cultira e da guaud. Tar mancanza da naiv crescha l'inflammabilitad da pastg setg.

RR novitads 11:30

Artitgels legids il pli savens