Engiadina - Ina montascha tut speciala

Igl è ina lavur da precisiun - la montascha da la Punt Piaunch da Tolais a Puntraschigna. 750 uras han ils maranguns fingia lavurà vi da quella punt. 4500 struvas han els dovrà e 9000 foras han els fatg enfin ussa.

Quella montascha dovra in heli special - il Kamax

Il helicopter dal tip Kamax ha fatg il transport da las tromas. Quel heli è bun da transportar en in sgol fin 2,7 tonnas. Il Kamax è concepì spezialmain per transports da laina. Qua è el sgolà ses giadas cun tromas da 14 meters lunghezza.

Ina tala montascha dovra in team special

Ils maranguns han survegnì in'instrucziun speciala - mintgin sto savair, tge ch'el sto e po far. Or da motivs da segirezza è il breefing fitg impurtant. Cura che il heli è in acziun sto tut funcziunar speditiv.

Ils maranguns ston ussa anc lavurar var 4 dis fin che la punt è pronta e finida.

1 / 8

Legenda: Il Kamax transporta lains da 14 meters lunghezza Il helicopter Kamax transporta lains da 14 meters lunghezza. En tut fa el ses rotaziuns RTR/ U. Morell

2 / 8

Legenda: Il Kamax e concepì per transports da lain En il helicopter ha be plazza il pilot RTR/ U. Morell

3 / 8

Legenda: La lavur dumonda precisiun e concentraziun Il marangun sto lavurar precis e dovra in bun equiliber RTR/ U. Morell

4 / 8

Legenda: Il manetsch tegna fin 2,7 tonnas Vi dal manetsch è fixà il lain, che vegn transpurtà RTR/ U. Morell

5 / 8

Legenda: Lavur da precisiun La montascha dumonda üna gronda precisiun RTR/ U. Morell

6 / 8

Legenda: Mintga lavurer sa che far ed inua metter ils mauns Ils lavurer ston savair precis, che ch'els fan ed inua metter ils mauns ed ils pes RTR/ U. Morell

7 / 8

Legenda: Lavur da precisiun Il team sto collavurar bain ensemen cul pilot RTR/ U. Morell

8 / 8

Legenda: Las ses parts principalas èn montadas Il team da maranguns sto ussa anc lavurar var 4 dis fin che la punt è finida RTR/ U. Morell