Siglir tar il cuntegn
Inhalt

Engiadina Ina ludra en Engiadin'Ota

En l'Engiadin'Ota è ina ludra vegnida en ina trapla da fotografias dal chantun.

Legende: Video Ina ludra è turnada abspielen. Laufzeit 02:57 Minuten.
Or da Actualitad video dals 18.10.2017.

En Engiadin'Ota hai almain ina ludra. Fin settember ed entschatta october è ella vegnida en ina trapla da fotografias da l'Uffizi da chatscha e pestga dal Grischun. Ins suppona ch'i dat almain duas sche betg trais ludras en il Grischun. Ma dapi il 2009 n'han ins betg pli vis ina da quellas.

En Svizra hai almain 10 enfin 15 ludras, quai tenor indicaziuns da la fundaziun Pro ludra da la Svizra.

Confederaziun ha fundà gruppa naziunala

Perquai ch’ins ha vis en ils ultims mais ina ludra en Engiadina sco era pliras en la regiun da Berna èn ins vegnì a la conclusiun che la ludra saja enavos en svizra. Gista oz è perquai vegnida fundada ina gruppa naziunala per la ludra da la Confederaziun e dals chantuns.

RR novitads 16:00

Extincziun da la ludra

L'onn 1888 è vegnì decidì che «animals che fan donn a la pestga» pon vegnir sragischads. Sco consequenza han ins pajà premias autas per mazzar ludras. I ha dà curs da chatscha e traplas spezialas dal stadi. Plinavant hai er dà chatschaders dal stadi. Enturn il 1900 vegnivan mazzadas radund 130 ludras ad onn. Dapi il 1952 è la ludra protegida.