Siglir tar il cuntegn

Header

cuntegn

Engiadina In onn deficitar dapli per la regiun da skis Zuoz

La regiun da skis Zuoz cun ses quatter implants n’è betg rentabla. Adina puspè dovra ella il sustegn da la vischnanca ch'è la pli gronda acziunara da la societad.

Il rendaquint 2014/15 serra cun ina perdita da la bilantscha da 631’732 francs. Quai suenter avair cudeschà il gudogn ord la vendita da terren da la staziun da val da l’Albanas.

Ils acziunaris han approvà il rendaquint e reelegì il cussegl administrativ. Nov represchenta Ramun Ratti la vischnanca da Zuoz en il gremi.

audio
Mezdi: Onn deficitar per regiun da skis Zuoz
ord Actualitad dals 18.12.2015.
laschar ir. Durada: 2 minutas 45 Secundas.

Nauscha stagiun

La mancanza da naiv al cumenzament da la stagiun e l’introducziun dal curs minimal da l‘euro èn stads ils puncts che han influenzà il pli ferm il resultat da l’enviern 2014/15 per la «Sutgeras e runals Zuoz SA».

Entant ch’il rest da l’Engiadin’Ota aveva pudì profitar da la naiv dal november, è quella pir crudada dal tschiel a Zuoz la mesadad da schaner. Ed er cumbain che la regiun da skis ha investì en ina nova sutgera Albanas, saja il retgav da gestiun sa sminuì per 10%. Quai scriva il president da la societad, Luis Wieser, en il rapport annual.

Artitgels legids il pli savens