In nov da chasa per Uorsin

La destinaziun Engiadina Bassa, Svizra Turissem e la Fundaziun Pro Guarda preschentan ina nova visiun per commerzialisar Uorsin.

Laschar ir video «En viadi tar Uorsin»

En viadi tar Uorsin

3:40 min, Actualitad video dals 12.2.2016

Passa 400'000 persunas èn gia stadas a kino per guardar l'istorgia da Uorsin, il mat engiadinais cun sia plumpa.

Uschia è il film da Uorsin in dals films svizzers cun il pli grond success. In potenzial economic che la regiun ed oravant tut Guarda, sco vischnanca da Uorsin, vulessan trair a niz anc meglier.

Nov lieu d'inscunter

La Chasa Guarda è in possess da la Fundaziun Pro Guarda e duai ussa daventar il nov da chasa per Uorsin. Radund 3 milliuns francs vul ins investir en la renovaziun ed inscenaziun da la chasa.

Ma betg mo Uorsin duai vegnir inscenà, mabain era la vita quotidiana engiadinaisa.

Sper las ideas culturalas èsi era planisà d’integrar il biro da turissem en las localitads e tut tenor in lieu per far vendita directa da products indigens.

Sche tut va sco planisà duai la Chasa Guarda avrir sias portas sin il pli tard il 2018.

Laschar ir video «In nov da chasa per Uorsin»

In nov da chasa per Uorsin

0:36 min, dals 12.2.2016

...dapli da Carigiet e Chönz