Engiadina - In Jauer, la pli auta guida d’excursiun en tut il mund

1 / 3

Legenda: Henri Duvoisin da Tschierv, il nov president da la UIMLA. RTR, Georg Luzzi

2 / 3

Legenda: La suprastanza da sanestra; Pavel Pavlo, Henri Duvoisin (president), Sylvain Jugand, Gabriel Demarax, Bill Bayley. MAD

3 / 3

Legenda: L'emblem da l'uniun internaziunala da guidas d'excursiuns UIMLA RTR, Georg Luzzi

Henri Duvoisin era oriund psicolog, cun 55 onns ha el però bandunà il job ed è daventà guida d’excursiuns a pe. Durant blers onns è el s’engaschà fermamain per la professiun dal las guidas d’excursiuns sin livel svizzer, ma era sco manader tecnic da l’uniun internaziunala da las guidas d’excursiuns.

audio

Bunura: In Jauer daventa president da tut ils guids d’excursiun en l’entir mund

02:30 min, ord Actualitad dals 30.11.2016.

laschar ir. Durada: 2 minutas 30 Secundas.

Union of International Mountain Leader Associations UIMLA

Sin giavisch da differents pajais ma era pervi da ses grond engaschament, è Henri Duvoisin daventà dacurt president da l’uniun UIMLA. Quest'uniun ha 4'000 commembers or da 16 differents pajais.

Blera lavur per il president

Il nov president metta gronda paisa sin la scolaziun da las guidas d’excursiuns a pe, quels portian ina gronda responsabladad. Ed el vul era cuntanscher che tut las guidas dals differents pajais vegnian armonisads.

Plinavant prevesan pajais sco per exempel il Chile, il Canada, ils Stadis Unids, il Giapun ed era il Nepal d’entrar en l’uniun. Quai munta per il president da discurrer cun quels sur da las cundiziuns d'entrada – dimena blera lavur per il nov president.

RR actualitad 08:00