Siglir tar il cuntegn
Inhalt

Engiadina In Engiadinais al campiunadi svizzer da mecatronists

Da pitschen ensi è Riet Bulfoni stà fascinà d’autos. Entant è sia lavur era daventada in hobi. Il settember sa participescha el al campiunadi svizzer da mecatronists a Berna.

Legende: Video Riet Bulfoni al campiunadi svizzer da mecatronists abspielen. Laufzeit 01:33 Minuten.
Or da sil punct dals 19.08.2016.

Gia d’uffant era el fascinà da l’auto e la tecnica. Oz lavura el tar ina garascha a Scuol e sa prepara dasperas per il campiunadi svizzer a Berna ch'è ils 2 e 3 da settember en il center da cumpetenza 'Mobilcity'.

Il 2015 ha Riet Bulfoni da Scuol terminà l’emprendissadi da mecatronist sco meglier dal Grischun. Sin dumonda da l’Uniun professiunala svizra da l’automobil è el sa participà a la preselecziun per il campiunadi svizzer. Da 38 participants èn 12 sa qualifitgads, Riet Bulfoni tutga tranter els.

Sis posts, respectivamain sis autos cun in defect nunenconuschent èn semtgads. Per mintga post ha Riet Bulfoni temp in'ura e mez. Ils emprims trais dastgan prender part al campiunadi mundial ad Abu Dhabi.

RR actualitad 08:00