Siglir tar il cuntegn

Engiadina In dachasa per la giuventetgna Val Müstair

La giuventetgna Val Müstair survegn in lieu d’inscunter, in «center per giuvenils». L’iniziativa vegn dals giuvenils sez.

Il nov center per la giuventetgna da la Val Müstair. Riet Scandella (iniziant) spetga cun brama sin l'avertura
Legenda: Anc è la porta serrada – ma l'iniziant Riet Scandella spetga be brama sin l'avertura dal nov center per la giuventetgna. RTR, Georg Luzzi

Radund 10’000 francs ha la vischnanca da Val Müstair budgetà per realisar in center per giuvenils. Il rest vegn finanzià da sponsurs. Previs èsi da fabritgar enturn la chasa ch’era en sasez previsa per organisar arranschaments a Valchava. Quella dess vegnir fabritgada enturn e drizzada en per giuventetgna tranter 10 e 16.

L’idea è naschida tras il project «jugend.gr»

Jugendmobil sa numna il project, lantschà da «jugend.gr», in'associaziun da tetg per promover la giuventetgna dal Chantun Grischun. Il Jugendmobil è ina rulotta cun messadi: Dadensvart datti gieus sco per exempel dart u ballape da maisa quai ha plaschì a la giuventetgna jaura.

Per promover l’idea ha ella ramassà passa 200 suttascripziuns en vischnanca e surdat quellas a la vischnanca Val Müstair.

L’idea ha gì resun tar la vischnanca politica. Ina gruppa da lavur ha elavurà in project, quel vegn uss realisà. Sche tut funcziuna sco planisà, ha lieu l’avertura al cumenzament da zercladur

Ils giuvenils han realisà avant in onn quest film cun in giavisch concret ed uss va quel en vigur. (Youtube: Jugendmobil)