Siglir tar il cuntegn

Header

Navigaziun

tenda da tipi
Legenda: Quels che restan fin ch'i fa cler sa chattan en la tenda da tipi. RTR, V. Rominger
cuntegn

Engiadina «Ils ultims sa chattan en la tenda da tipi»

Gia tar l’emprima ediziun èn vegnidas 1'000 persunas a la festa sin il bain puril da Toni Giovanoli a Surlej. Quella giada eran ins in zic surprais da la gronda massa. Las bavrondas e la charn na bastavan betg per tuts. Il comité d’organisaziun aveva stuì procurar per dapli durant la festa.

Dapi lura è il country fest in grond success. Var 3'000 persunas èn vegnidas ils davos onns. Ina giada plirs, ina giada pli paucs. 3'000 saja ina buna cifra, uschia Giovanoli, bler dapli na cumporta quai betg.

Bull riding sco punct culminant per il giubileum

Gronds midaments per il 10avel giubileum n'han ins betg fatg, di Toni Giovanoli. Tar la musica hajan ins adina bands enconuschentas en la scena da country. Unic nov e il taur da plastica per ir a sella, l'uschenumnà bull riding.

Sche la musica è a fin, van ils blers a chasa, ils auters sa spostan direcziun tenda da tipi. «Là sa chattan il ultims», di Toni Giovanoli, la festa cuntinuescha fin dumengia da mezdi.