Siglir tar il cuntegn
Inhalt

Engiadina Ils megliers golfists dal Grischun s'inscuntran a Vulpera

La plazza da Golf da Vulpera stat a partir da sonda ils 26 d'avust fin glindesdi ils 28 d'avust en il center da la scena da golf dal Grischaun. Radund 300 golfistas e golfists cumbattan per il titel dal campiun Grischun.

La plazza da golf da Vulpera situada en il guaud.
Legenda: La plazza da golf da Vulpera situada en il guaud. Reto Mayer

Per ils 300 participants al campiunadi Grischun da golf a Vulpera è quai ina sfida tut speziala. La plazza da Golf da Vulpera è unica. Autras plazzas ch'èn situadas sin ina planira. Quella plazza è situada enturn Vulpera e la cuntrada è stippa. Tar duas foras ston ins perfin giugar la balla sur la via principala che maina da Scuol a Vulpera.

Legende: Video Golf Vulpera abspielen. Laufzeit 01:02 Minuten.
Or da RTR dals 25.08.2017.

Mintga 11 onns a Vulpera

Ils campiunadis Grischuns da Golf vegnan manads tras en in turnus. En tut datti 11 clubs en Grischun e quels campiunadis organisescha mintg'onn in auter club. Sonda ils 26 d'avust è il Cup Grison, dumengia ils campiunadis singuls e glindesdi ils 28 d'avust ils campiunadis dals seniors.