Siglir tar il cuntegn
Inhalt

Engiadina Ils futurs Dario Colognas cumbattan per partenzas al sprint

Gia per la 33avla giada sa mesiran ils giuvenils da passlung en ina cursa per pudair sa participar al grond sprint da notg il venderdi a San Murezzan. Malgrà l’aura pauc agreabla, han ils giuvens talents dà tut.

Bun 100 giuvnas e giuvens passlunghists èn stads a la partenza dal sprint da giuventetgna en il rom da l’emna dal Maraton da skis engiadinais. Suenter avair absolvì il prolog mintgin singul sin in traject da sprint sur 800 meters, èn ils uffants suenter sa mesirads en uschenumnads «heats».

Per ils gronds vai per tut

Entant che las categorias U10 ed U12 han cumbattì per ina plazza sin il podest, han ils atlets pli vegls gì anc in’autra finamira. Numnadamain da cuntanscher il final e da sa qualifitgar uschia sut ils emprims sis da las categorias U14 ed U16. Quels dudesch sportists pon partir a l’enconuschent sprint da notg il venderdi saira a San Murezzan e mussar tge ch’els san avant in grond public.

RR actualitad 07:00