Siglir tar il cuntegn

Header

Navigaziun

la chasa Muntanella a Valchava
Legenda: La chasa Muntanella a Valchava La chasa Muntanella a Valchava vegn probablamain a restar in center per fugitivs. RTR/D. Spinnler
cuntegn

Engiadina Ils fugitivs restan probablamain per pli ditg en Val Müstair.

Dapi dus mais vivan radund 40 fugitivs en Val Müstair. Suenter las criticas da l'entschatta è la situaziun ussa sa calmada.

Werner Braun che maina la chasa Muntanella a Valchava sco center da fugitivs è cuntent cun la gestiun suenter radund 2 mais. El ha ditg envers Radiotelevisiun Svizra Rumantscha RTR ch'el veglia metter a disposiziun vinavant sia chasa sco center da fugitivs. L'uffizi da migraziun dal Grischun ha confermà ch'ins saja en contractivas per prolungar ils contracts. Suttascrit na saja dentant anc nagut.

40 fugitivs

Actualmain vivan radund 40 fugitivs da l'Eritrea, da la Somalia, da la Siria, da l'Afghanistan e da l'Irac a Valchava. Els fan lavurs en chasa ed han duas giadas l'emna instrucziun da tudestg.

RR novitads 23:00