Cun 30 onns tutga Martina Stadler segir tar la generaziun che enconuscha las pussaivladads da las novas medias socialas. Qua vul ella metter en il focus. Plinavant vesa ella anc potenzial en la digitalisaziun e simplifitgar uschia las pussaivladads da retrair per exempel bigliets d'ir cun bus u cun skis.
Il cumportament dal giast sa mida
Il giast dad oz ha autras pussaivladads per empustar vacanzas ed el sa cumporta era auter durant il temp da vacanzas en la regiun. Quels basegns stoppian ins resguardar e far adattaziuns en la cussegliaziun.
La nova directura da la destinaziun e persvadida da la purschida, da la natira ed era da la vita culturala. Ella ha visità ed emprais a conuscher blers partenaris, lieus ed instituziuns, ma la fasa d’introducziun na saja anc betg terminada.
RR actualitad 07:00
