Siglir tar il cuntegn

Header

cuntegn

Engiadina Il pli grond event da bike Grischun ha in nov president

Claudio Duschletta da S-chanf e vegnì elegì sco president dal comité d’organisaziun dal Bikemarathon enturn il Parc Naziunal Svizzer. Il anteriur president Urs Wohler ha demissiunà causa ch’el banduna l’Engiadina.

Dal 2017 ha lieu per la 16avla giada il Bikemarathon, in event cun success. Mintg’onn prendan passa 1800 curriduras e curridurs il traject sut las rodas, il traject enturn il Parc Naziunal Svizzer. L’anteriur president e directur da la destinaziun Engiadina Scuol Samignun Urs Wohler banduna l’Engiadina e cumenza ina nova sfida en il Bernais.

Il nov president Claudio Duschletta

Claudio Duschletta è vegnì elegì unanimamain da l’Engiadina Scuol Turissem SA, da l’Azienda di Promozione e Sviluppo Turisitico Livigno ed era da la vischnanca da S-chanf sco president dal comité d’organisaziun (CO) sco era president da l’uniun purtadra, la Pro Bike Event.

Sco passiunà biker, anteriur turisticher e commember dal CO dal 2005 enfin il 2010 (4 onns da quels sco vicepresident), ha ins chattà cun el ina persuna ideala per quest post vacant.

Il proxim Bikemarathon ha lieu ils 26 avust 2017 sut la nova bachetta.

RR novitads 17:00

Artitgels legids il pli savens