Siglir tar il cuntegn

Header

cuntegn

Engiadina Il pli giuven open air en Grischun ha lieu en Bregaglia

Cun Curdin Nicolay, Mattiu Defuns, No Future ni Paulin Nuotclà vul il comité d'organisaziun da l'Open Air Sur l'Aua attrair in public grond e vast. Da giuven fin restà giuven, da la Surselva fin en il Partenz ni l'Engiadina. Igl è l'emprima giada che l'Open Air ha lieu a Casaccia.

organisaturs open air
Legenda: Comité d'organisaziun cun Giacomo Waltenspühl, Gloria Clalüna, Matthias Alder e Vincenzo Rezzoli mad

Cun in preventiv da radund 8'000 francs duain els vegnir or sin ina nulla, manegia Giacomo Waltenspühl dal comité d'organisaziun. Quel sa cumpona da quatter persunas che vulan muventar insatge en Val Bregaglia.

Ils raps èn qua per dar or

Ils davos onns, dapi che la societad giuventetgna Bregaglia exista, numnadamain dapi il 1991, ha ella adina puspè organisà open airs en differents lieus en Val. Enfin oz dentant senza ch'n avess survivi pli ditg - la motivaziun tar ils activs mancava, manegia Giacomo Waltenspühl.

audio
Bunura: Emprim Open Air Sur l'Aua
ord RTR Audio dals 20.05.2016.
laschar ir. Durada: 3 minutas 41 Secundas.

Uss vul ina nova squadra anc ina giada pruvar. La cassa da la giuventetgna saja bain emplenida - raps ch'ins duai duvrar per far insatge nov. E questa giada cun futur. Uschia tuna almain la finamira; quest onn cun in preventiv da radund 8'000 francs.

Line up da l'Open Air Sur l'Aua

Venderdi, ils 24 da zercladur a partir da las 19:00

  • Curdin Nicolay
  • Paulin Nuotclà
  • DJ Borer

Sonda, ils 25 da zercladur

  • Mattiu Defuns
  • No Future
  • Benjtaro and Friends
  • DJ Schalter und Falter

RR actualitad 07:00

Artitgels legids il pli savens