Siglir tar il cuntegn

Engiadina Il meglier viturin dal mund è da l'Engiadina

Als campiunadis mundials da viturins cun chavals giuvens en Ungaria èn Giacomin Barbüda e ses chaval Nesqu daventads campiuns mundials.

Sco unic Svizzer era Giacomin Babürda sa qualifitgà per ils campiunadis mundials en la categoria viturin cun chavals giuvens en l'Ungaria. L'allevatur da chavals ha cuntanschì sia finamira cun ses chaval Nesqu: Els dus han numnadamain battì en tut 12 concurrents ed èn uschia daventads campiuns mundials.

En il center da quest sport stat la sveltezza, l’eleganza e la coordinaziun tranter chaval e viturin. Las cursas vegnan fatgas sin in parcours en la natira.


Ina visita a Giacomin Barbüda e Nesqu curt avant ils campiunadis mundials

Legende: Video Pronts pel campiunadi mundial abspielen. Laufzeit 3:28 Minuten.
Or da Actualitad video dals 24.08.2016.

La patenta sco viturin

Gia dal 2005 aveva Giacumin Barbüda pretais dal chantun ch'els introduceschan ina patenta per ils viturins.

Legende: Video examens da charrotscha abspielen. Laufzeit 1:50 Minuten.
Dals 31.01.2005.

Giacumin Barbüda – il campiun mundial dals seniors tar passlung

Per la segunda giada è Giacumin Barbüda daventà gia campiun mundial. L'emprima giada betg sco viturin mabain sco curridur da passlung en Svezia l'onn 2000.

Legende: Video Giacumin Barbüda abspielen. Laufzeit 2:28 Minuten.
Dals 27.03.2000.