Siglir tar il cuntegn

Header

cuntegn

Engiadina Il Maraton da skis engiadinais tschertga cooperaziuns

La nova strategia dal Maraton da skis engiadinais vul ch'il maraton è en avegnir dapli che simplamain ina cursa da passlung.

Il Maraton da skis engiadinais elavura ina nova strategia. Amez quest process trametta la direcziun in signal vers anora: l'eveniment cun radund 13'000 curriduras dovra cooperaziuns en l'avegnir.

audio
Il Maraton da skis engiadinais tschertga cooperaziuns
ord Actualitad dals 23.08.2016.
laschar ir. Durada: 2 minutas 27 Secundas.

Durant in'occurenza da strategia publica han ins udi in referat dal anteriur directur da la cursa da passlung svedaisa Vasa Loppet, Jonas Bauer. E Bauer ha raquintà co ch'el ha creà in entir univers dad occurenzas enturn la cursa oriunda da passlung.

La direcziun dal Maraton da skis engiadinais è ussa era en tschertga da cooperaziuns, per exempel cun la segunda cursa da passlung pli gronda en Engiadina, la Diagonela. Actualmain èn ins vid evaluar ina collavuraziun administrativa.Era per la cursa da stad engiadinaisa «Engadiner Sommerlauf» fa il Maraton da skis engiadinais las lavurs administrativas.

En l'avegnir sajan pussaivlas anc dapli cooperaziuns cun events da sport en Engiadina ha ditg il mainagestiun dal Maraton da skis engiadinais Men Duri Kasper envers Radiotelevisiun Svizra Rumantscha.

Artitgels legids il pli savens