Siglir tar il cuntegn
cuntegn

Engiadina Il Magliadrun en acziun

L’onn passà en avust è il Magliadrun, ina da dus maschinas da perforaziun per la construcziun da la galaria da l’ovra electrica cuminaivla EN (GKI), vegni inaugurà. Suenter trais mais da montascha è il Magliadrun en acziun.

Legenda: Guardar il video En visita tar il Magliadrun a Mariastein en l'Austria. Durada 04:26 minutas.
Or da Actualitad video dals 17.03.2016.

Dapi tschintg mais han entschet las lavurs da perforaziun per il project sur cunfin tranter las ovras electricas d’Engiadina e las ovras electricas dal Tirol. Sche tut va sco planisà vessan ils dus taraders da perfurar en gnanca dus onns in traject da radund 23 kilometers lunghezza. Il Magliadrun, enfin tar la tschiffada d’aua ad Ovella sin territori Svizzer, il Zauberbohrer, la segunda maschina da perfuraziun, enfin pro la centrala tranter Ried e Prutz en l’Austria.

Tut en tut vegn l’ovra electrica a custar bunamain ina mesa milliarda euros. Ella vegn prendida en funcziun il pli baud l’onn 2018 e producescha lura forza per bundant 90’000 chasadas.

Inauguraziun dal Magliadrun en avust dal 2015 a Mariastein en l'Austria

Legenda: Guardar il video Battaisem dal «Magliadrun». Durada 02:13 minutas.
Or da Actualitad video dals 03.08.2015.

Il Magliadrun en cifras

Inauguraziun dal Magliadrun cun ils scolars da la scola Valsot ensemen cun ils responsabels en avust dal 2015 a Mariastein en l’Austria.
Legenda: Inauguraziun dal Magliadrun en avust dal 2015 a Mariastein en l’Austria. GKI
  • Pressiun: 1'000 tonnas
  • Prestaziun: 4'000 forzas-chaval
  • Lunghezza radund: 200 meters
  • Pais: 1'000 tonnas
  • Avanzament: ca. 20 meters per di per maschina
  • Material da stgavament: total 1’000’000 meters cubic ubain 54’000 chargias da camiun