Siglir tar il cuntegn

Header

Navigaziun

In luf.
Legenda: In luf (maletg simbolic). Keystone
cuntegn

Engiadina Il luf sa derasa vinavant en il Grischun

Il luf è entant er da viadi en l'Engiadina Bassa. La mesemna avantmezdi ha in pestgader pudì observar e fotografar l'animal da rapina tranter Susch e Zernez durant che quel è sortì da l'En ed ha traversà la via.

Tenor il guardiaselvaschia Guolf Denoth sa tracti tar l'exemplar cun gronda probabilitad d’in luf dal Calanda.

Sco quai che l'inspecturat da chatscha ha ditg quest'emna èsi entant da quintar en l'entir chantun cun lufs. Tuttina èn ils lufs en l'Engiadina fin ussa rars. Avant dus onns avevan ins observà in sur Ardez.

RR novitads 16:00