Siglir tar il cuntegn

Engiadina Il «Giro d'Italia» en Val Müstair

La cursa da velo «Giro d'Italia» passa durant ses gir da giubileum da 100 onns tras la Val Müstair. Quai en occasiun da l'etappa roiala che maina sur ils pass dal Stelvio e da l'Umbrail.

Legende: Video Il Giro d'Italia è passà tras la Val Müstair abspielen. Laufzeit 4:07 Minuten.
Or da Telesguard dals 23.05.2017.

Spectacul en Val Müstair: Il «Giro d'Italia» è passà tras la val durant l'etappa roiala da l'ediziun da giubileum da 100 onns. 22 teams cun radund 200 ciclists fan la cursa da giubileum.

Legende: Video Champ principal sin il pass da l'Umbrail abspielen. Laufzeit 0:17 Minuten.
Or da RTR dals 24.05.2017.

Ils ciclists èn arrivads duas giadas a Bormio, la prima giada si da la Valtellina. Lura dentant han cumenzà ils sforzs: La cursa è cuntinuada da Bormio sur il pass dal Stelvio ch'è sin 2750 meters sur mar e lura vinavant a Prad en il Tirol dal Sid.

Da là èsi ì vinavant en Val Müstair e da Sta. Maria lura puspè si sin il Pass da l'Umbrail sin 2500 meters sur mar.

L'arrivada da l'etappa è puspè stada a Bormio. Gudagnà questa etappa roiala dal Giro d'Italia ha il talian Vincenzo Nibali.

Grond travasch

L'etappa roiala dal Giro d'Italia ha attratg blera glieud en Val Müstair e si lung la via dal Pass dal Umbrail. I ha dà hotels a Sta. Maria che avevan pli u main plain la chasa be cun giasts che vulevan vesair il Giro d'Italia. Durant il di èn arrivads millis da velocipedists che han era surmuntà il Pass dal Umbrail per vesair il Giro d'Italia.

Telesguard 17:40