Siglir tar il cuntegn

Header

audio
Ils ritgs e bels en il cudesch dal coiffeur
Or da Actualitad dals 30.09.2019.
abspielen. Laufzeit 03:17 Minuten.
cuntegn

Il figaro da San Murezzan San Murezzan, il mar ed ils chavels da la High Society

Il coiffeur da San Murezzan, Jürg Oschwald, ha vendì ses affar il 2016. El è stà en viadi cun sia bartga «Grischa» es ses dus chauns enturn il Mar Mediterran. Inscunters ed aventuras ha l’um cun ils chavels ritschads gì er durant quel temp.

Senza il contact cun la glieud na sun jau betg bun da viver.
Autur: Jürg Oschwaldfigaro da San Murezzan

Suenter esser turnà da ses viadi, ha Jürg Oschwald laschà sa scolar sco cussegliader da vita. Ed el ha ramassà e scrit si las numerusas episodas da sia vita.

Saja quai cun tagliar chavels a la High Society a San Murezzan, ma er muments pli persunals en famiglia. Tut è uss ramassà en in cudesch da bun 200 paginas cun fotografias, che illustreschan ils inscunters.

Part II en elavuraziun

Cun ramassar e sa regurdar vid las numerusas aventuras ed istorgias che Jürg Oschwald ha passentà, haja el bain svelt realisà ch’i dess anc avunda material per ina continuaziun da ses emprim cudesch «Leinen los».

En quel vul il figaro er integrar intginas istorgias en rumantsch. Premissa è dentant che l’emprima ovra – 2’000 cudeschs – chattian er avunda interessents e lecturs.