Ina situaziun insolita a las elecziuns dal cussegl communal a Zuoz che ha gì lieu l'entschatta da mars. Ils dus candidats da la PLD, Peider Andri Vital e Lucian Schucan han cuntanschì exact medem bleras vuschs, numnadamain 186.
La sort avess stuì decider
Previs era che la sort avess da decider, tgenin dals dus candidats che duessan restar en il cussegl communal. Ussa ha Peider Andri Vital decis da sa retrair a favur da ses cuntracandidat Lucian Schucan. Ina decisiun da la sort è cun quai obsoleta.
Il cussegl communal è cumplet
Sper ils quatter candidats ch'eran gia en uffizi èn vegnids elegids per ils proxims 3 onns il president communal Andrea Gilli, ed ils cussegliers communals Thomas Pinchera ch'aveva survegnì 225 vuschs e Lucian Schucan.
audio
Il cussagl communal da Zuoz è cumplet
ord Actualitad dals 15.03.2018.
laschar ir. Durada: 43 Secundas.
RR novitads 12:00