Il center da trenament d’autezza cuntegna infrastructura per atletas ed atlets professiunals che absolvan sport d’enviern e da stad. La stad passada è vegnida engrondida quell’infrastructura cun ina construcziun mobila che cuntegna gardarobas, locals da teoria e massascha ed anc in local da mesiraziun da temp. Quest nov deposit serva oravant tut sco deposit per quella construcziun mobila.
Purschida dapi il 1967
Il center possedia il label «Swiss Olympic Training Base Gold» ed era vegnida fabritgada il 1967, en vista als gieus olimpics a Mexico sin passa 2’000 meter sur mar.
La spierta dal center da trenament d’autezza è dumandada tar ils atlets professiunals. La stad 2018 han visità radund 1'200 atletas ed atlets 30 differents pajais. Questa purschida generescha radund 20’000 pernottaziuns l’onn a San Murezzan.
RR novitads 12:00