Il Cdh Engiadina n’ha anc nagin goli

Suenter la promoziun da la terza en la segunda liga è il Club da hockey Engiadina anc adina a la tschertga dad in goli.

Il Cdh Engiadina en tschertga dad in bun goli

Legenda da maletgs: Il Cdh Engiadina en tschertga dad in bun goli RTR

La suprastanza dal club da hockey Engiadina è ensasez cuntenta cun la planisaziun da planisaziun da l’emprima squadra per la stagiun da return en segunda liga. Il minz da la squadra stat. Cun excepziun dad in giugader resta la squadra la stessa sco la stagiun passada.

Unic punct intschert è il post da goli

Plirs golis hajan mussà interess da vegnir en Engiadina Bassa ma la fin finala han alura tuts ditg na, uschia il president dal Cdh Engiadina Marco Ritzmann a Radiotelevisiun Svizra Rumantscha RTR. Ussa emprovan ins da chattar ina soluziun en collavuraziun cun auters clubs. Uschia spera il club da hockey Engiadina da tuttina anc chattar in goli cun nivel da segunda liga.

RR actualitad: 17:00